Acil Dadah badadas ka sakulahan, handak
manyampati waktu. Samalam sitingan pinjir prin taubah.
Samalam laju banar marga diubah ulih
Dugal, atas parsatujuan buhan Acil Dadah jua. Hari ini Dugal tapaksa maubah ka
waktu kaya biasa.
Sabalum ka sakulahan Acil Dadah
badasak-dasak di rumah. Marganya nang laki handak maupah batanam di pahumaan.
Jadi Acil Dadah sawat bangun manjarang
banyu wan maulah nasi bungkus gasan upahan
batanam. Ada sakitar sapuluh urang upahan.
Mana mahatiakan gawian sabagai guru, jua
mahatiakaan gasan upahan batanam di pahumaan. Tapi di pahumaan nang laki
manunggui.
Marga badadas tadilah, Acil Dadah sampat
ditawaakaan kakawanannya di sakulahan, karna tabawa tutup tarmus, marga bacapat-capat
tulak ka sakulahan.
Tapaksaai babulik Acil Dadah ka rumah,
untung kada tapi jauh pada sakulah, sakitar talu pal haja.
Ngalih kaina banyu tih gasan upahan jadi
dingin, marga tutup tarmus tabawa ka sakulahan, karna badadas manyampati pinjir
prin. (ahu)
Tidak ada komentar:
Posting Komentar