Lagi bahari Dugal tamasuk urang nang
paling kulir maajar. Datang landung bulik sawat. Sanunuh maajar, cuma mambari
tugas latihan, lalu ditinggalakannya. Gawiannya bisa bacatur atawa mawarung
parak sakulahan. Itu bisa saharian tu.
Jadinya banyak kakanakan kaluaran waktu
jam palajaran masih balangsung. Kakanakan pina sasain ngalih diatur.
Bila bus kadada disakulahan, kada nang
balajarnya kakanakan. Padahal guru banyak haja. Pina kada mangarti kalakuan
kaya itu.
Malihat hal kaya ini, di kampungnya
Dugal rancak disinggung ulih kakawanannya, waktu malam batamuan di gardu pus
runda.
Kaya Undat nang manyambat bahwa Dugal ti
makan gaji buta. Mandangar kaya itu Dugal pina sarik, handak manampar ka anu
Undat.
Tapi sawat disabari ulih Kacit. Dugal
sadar mimang kaya itu kalakuannya salama ini. Mudahan kawa diubah manjadi
kalakuan nang baik. (akhmad husaini)
Tidak ada komentar:
Posting Komentar