Sakulahan wadah Dugal bagawi rancananya
handak jarah ka Sampit, Kabupaten Kotawaringin Timur, Kalimantan Tengah.
Tampat nang handak dijarahi nintu adalah
makam ulama katurunan Datu Kalampayan, marupakan dangsanak buhan ulama nang
bamakam di Taniran, Balimau, Pagatan wan di Tenggarong.
Mamandir sual Sampit, Dugal kaingatan
lawan kawannya nang bibinian waktu sakulah di Aliyah dahulu. Wayahini bibinian
itu tih bagawi wan badiam di Sampit.
Badasarkan habar kawannya Dugal itu
sudah bakaluarga, lakinya urang Hamuntai, baisi anak dua. Nang panambayan
bibinian, sakulah Kalas X SMA Sampit wan nang kadua lalakian sakulah di Kalas
VIII SMP Sampit.
Manurut Dugal, bibinian itu urangnya
baik banar. Waktu Aliyah dahulu, karna sakalas lawan Dugal, rajin manahuri bila
ka warung. Wayahini sudah puluhan tahun labih saku Dugal kada batamuaan lagi.
Inya sudah jadi bibinian Sampit. (akhmad husaini)
Tidak ada komentar:
Posting Komentar