Selasa, 11 Mei 2021
HINAWA PAMAASIAN TANAH BANJAR
Ulahan : Akhmad Husaini
Masih ingat haja kalu pian
lawan papadah kayi wan nini waktu bahari
amun bakalakuan nang baik-baik haja
jangan pina mambaranga
bakaluarga harus rakat-rakat
jangan maulah hual bakalahian tarus
ini itu nang kada tapi panting jadi masalah
Urang hinawa malihat
amun di tanah Banjar liwar pamaasian
jangan sampai bacakut papadaan
ayupang kita barataan haragu Banua
jangan sampai dibulangkir tatinggal luang ganal
baah ganal mambawa ristaan
dimapa sakira tanah banjar aman wan damai
warganya hidupnya sasain sajahtra
Sasain batuha saharusnya banyak nang sudah dirasa
amun nang baik diambil
nang kada baik ditinggal
Hangkinang, pahin salikur bulan puasa Ramadhan 1442 H
Tidak ada komentar:
Posting Komentar