HUMOR BANJAR

Sabtu, 4 Agustus 2012

HADANGAN WAN KALIMBUAI

            Suatu hari hadangan lawan kalimbuai balajuan bukah. Kalinya hadangan kalah. Marganya sutil banar kalimbuainya badua. Saikung di hujung sana saikung di hujung sini. Pabila hadangan ka sana kalimbuai nang disana timbul. Pabila hadangan bukah ka sini nang di sini timbul. Nyata hajaah tapakalah hadangan.

 
GANGGAM KA MUHA PAMBAKAL

            Dugal bajalan dihadapan pambakal. Inya mamakai baju kima nang ganal-ganal. Laluai ditagur ulih pambakal. “ Uma yai ganalnya kima baju ikam tuh,” ujar pambakal. Lalu dijawab ulih Dugal, “ Baju nang sabutingnya pambakal ai kaya ganggamku ini kimanya,” ujar Dugal sambil handak manyuntulakan ganggam ka muha pambakal. Dasar raja Dugal nih, wani banar ganggam ka muha pambakal.