Babarapa hari
ini rami buhan Komisi Pemberantasan Korupsi (KPK) malakuakan Uprasi Tangkap
Tangan (UTT) tahadap para pajabat nang malakuakan kurupsi. Kaya hanyar tadi di
Banjarmasin, Katua DPRD, Diriktur PDAM wan nang lainnya ditangkap KPK lalu
dibawa ka Jakarta.
Samantara itu di
kampung, tahabar Dugal kana UTT jua.
Nang anih inya kada dibawa ka Jakarta tapi ka Tanah Suci Makkah. Ai nangapa
mati kaya itu. Tanyata UTT itu marga Dugal Umpat Tajual Tanah (UTT).
Tanah warisan
pakayiannya payu, gasan urang maulah jalan hanyar. Jadi Dugal baulih duit matan
bajual tanah. Lalu dibawanya gasan umrah ka Tanah Suci Makkah. Jadi kada marga
kurupsi nang kaya pajabat kana UTT. (ahu)
Tidak ada komentar:
Posting Komentar