Senin, 17 Juli 2017

Pantun-Pantun Akhmad Husaini

Selasa, 18 Juli 2017


Tulak ka Nagara mancari papan lanan
Singgah di Muning manukar kapayang
Kamarian Sabtu kami bajalanan
Mulai Hangkinang sampai ka Birayang

Bulik di Arab mambawa kurma
Maandak tas kahiga sambil bahiring
Kada nyaman-nyamannya takana asma
Tangah malam sampai baisukan kada taguring

Mambuka lawang lalu ditarik
Imbah itu ditutup masuk urangnya
Di MTsN 3 HSS ada nang manarik
Upacara bandira buhan guru palaksananya

Disuruh guru maju kamuka
Takutan salah lalu sarik
Siswa MTsN 3 HSS umpat PMR wan Pramuka
Mudahan kaina salalu dapat hasil nang baik

Satiap hari Ahad sakulahan payar
Kakanakan rami bahuhurun wan bakawan
Di HSS ada tampat wisata hanyar
Andaknya di Mawangi bangaran Bukit Palawan

Kakanakan halus katuju bamainan
Rancak salah lalu baasa
Tanggal 17 Juli 2017 sakulahan mulai turunan
Imbah sabulan labih libur puasa

Naik kasturi lalu dihawar
Tapi sayang baulihnya sadikit
Di Bukit Palawan ada sumur banyu tawar
Amun diminum maampihi bamacam panyakit

Waktu bahari mamakai tapih kada wani
Baju pina lain marga tatinca
Kanalakan ulun Akhmad Husaini
Urang Hangkinang nang katuju manulis wan mambaca Top of Form
Bottom of Form

Tidak ada komentar:

Posting Komentar