Rabu, 16 Juni 2021
KISAH DUGAL AKHMAD HUSAINI :
SAING
Dugal sadar wan tahu diri jua. Inya mimang kada kaya urang. Bahanu ada jua pina marista diri. Tapi labih banyak dibawa basukur lawan kaadaan nang sudah ada ini. Inya manjalani lawan hati himung. Mudahan suatu saat kaina hidupnya labih layak wan baik lagi.
Baisukan sawat inya sudah tulak ka gawian. Ada tujuan sawat tulak nintu, mahindari tatamu kawan nang lain. Kaina inya supan baisian sapida mutur buruk. Jarang bataguran lawan nang lain. Inya tamasuk urang nang katuju manyaurangan.
Gawian Dugal di kampung tamasuk nang urang saing. Saing bahayau ka kampung lain, saing manulis, saing baingunan unggas, wan saing mahayal. Amun baingunan unggas kaya hayam wan itik,
Dugal tamasuk nang daraman. Tautama maingun hayam bangkuk, hayam kampung biasa, wan itik japun. Amun nang lain rancak matian, kaya baingunan balibis, angsa, wan itik surati.
Jadi wahini Dugal labih mamilih baingunan talu macam tadi, hayam bangkuk, hayam kampung biasa, wan itik japun. Alasan lainnya amun parlu duit jujualannya ingunan tadi. Tinggal manyinggah pambalantikan hayam nang lalu di jalan, muka rumahnya.***
Tidak ada komentar:
Posting Komentar