Sudah babarapa hari nia aku kada
bagairah lagi manulis barita gasan wibsit Kanwil Kemenag Kalsel. Marga napakah.
Asa kada basamangat lagi. Kalu biasanya sahari paling kada manulis sabuting
barita. Wahini sudah talu hari kadada sabuting-buting barita. Banyak pang kalu
marganya. Sinyal intirnit lambat banar, laptup tapakai nang lain, kamira masih
baadaptasi, wan lain-lain.
Imbahnya hari-hari ini imbah bagawi
langsung bulik ka rumah haja. Kada kaya biasanya sampai malam hanyar bulik.
Pina ubah pang pada biasanya kalakuanku. Kaya apalagi amun sudah kada bagairah
kada kawa diapa-apa.
Ada pang kuganang. Aku masih
saurangan. Rahat kasaurangan. Taungut sauranmgan. Kadada pandamping.
Bubukahannya mahayal. Kagangangan lawan alumni sakkulahan wadah bagawai nang
masih tauingat sampai wayahini. Urangnya baik wan bungas.
Diantarnya ada nang bangaran Siti
Noor Rahmah. Biasa dikiau Amah. Urang Mandala Talaga Langsat. Imbah tamat
tsanawiyah inya manyambung ka Pesantren Ibnu Masud. Tapi kada lawas pindah ka
SMAN 1 Angkinang. Tamat SMAN 1 Angkinang manarusakan kuliah ka PGSD Unlam
Banjarmasin. Rancak ba pisbukan. Jadi tahu habar tahanyar.
Salain Siti Noor Rahmah ada jua Wira
Retmayiti. Urang Bamban. Wayahini kuliah di Banjarbaru. Rancak bapisbukan jua
wan inya. Sapaadingan sakulah di tsanawiyah jua. Adingnya itu Elni Pasawanti
dan Rezi Rahdianor.
Marga katuju manulis di blog aku
dikanal urang lain. Buktinya babarapa mahasiswa datang handak panalitian
bahubungan lawan tulisanku nang ada di blog. Ada urang Tabihi nang kuliah di FKIP Unlam baulah skripsi tantang
sastrawan HSS. Lalu inya sampat batakun anuku sual apa haja nang kukatahui
masalah parkambangan sastra di Kabupaten HSS.
Jua ada mahasiswa asal Barabai nang
kuliah di FE Unlam. Batakun soal JPIP. Pukuknya banyak nang mahimungakan barkat
adanya blog. Kada salahnya manulis itu banyak manpaatnya.***
Kandangan,
Januari 2015
Tidak ada komentar:
Posting Komentar