Kamarian Dugal duduk di muhara lawang. Asik
mambari makani hayam nang diingunnya. Ada hayam bangkuk wan ada jua hayam
kampung biasa. Jumlahnya puluhan ikung. Ada nang anak, ramaja, hingga nang
ganal.
Diantara puluhan ikung hayam ingunan Dugal
nintu ada talu ikung hayam bangkuk laki kada babuntut. Pina bida pada nang
lain. Jadi nampak banar bila bagabung wan hayam lain. Sudah manalu bulan Dugal
baingunan hayam nintu.
Napakah marganya mati hayamnya kada
babuntut. Karna hayam bangkuk jadi kalihatan banar bidanya wan hayam kampung
biasa nang diingunnya. Saban hari Dugal maharagu hayam nintu supaya lakas
ganal. Nang laki lakas bakungkuuk, nang bini lakas bahintalu.
Lumayan ujar Dugal salain sabagai
panulis, Dugal bisa pakulih rajaki matan baingunan hayam. Bila sudah ganal
hayam kawa dijual ka pambalantikan. Atawa bisa jua gasan di makan saurang.
Duitnya salain gasan hidup sahari-hari. Jua
ditabung, manunjang gasan ibadah. Jua kaina manukar pulang hayam anak mangganti
nang sudah dijual. Jadi kada bapagatan Dugal baingunan hayamnya. (ahu)
Tidak ada komentar:
Posting Komentar