Selasa, 27 Juli 2021
Tarasai jua sakalinya, Dugal baisi pamimpin nang minta layani haja hari-hari. Karna sudah lawas bagawi Dugal marasani babarapakali pargantian pimpinan atawa bus-nya waktu bagawi.
Dugal jadi tahu kaya apa kalakuan Bus nya nintu. Nang paampihan ini asa balain banar lawan nang dahulu-dahulu. Apakah nintu marga sidin urang subarang? Jadi ada banyak kalakukan nang babida.
Sidin ini ti katuju banar inta layani. Saban hari hari siapakan cangkir baisi kupi panas, inta siapakan asbak ruku, amun ruku habis ainta tukarakan. Manutup lawang kantur sidin gin asa gingsi. Biar haja babukaan, walau urangnya kadadaan, kaina ada haja paman nang mangantup, pikir sidin.
Salain nintu bawahan harus mamatuhi sagala aturan nang sudah sidin ulah. Amun malanggar cagar dipanggil babarapa kali, gasan dipadahi, sampai talu kali kada jua jara, bisa dipindah atawa diampihi. Amun kada kawa jua, sidin jar nang pindah. (ahu)
Tidak ada komentar:
Posting Komentar