Senin, 28 September 2020
SALALU BASAMA
Ulahan : Akhmad Husaini
Kada pang aku pina paharatnya
kada jua pang pina pambibisanya
kaya ini sudah kalakuanku nang ada
Handak bajalanan kamana tujuan
lawas banar sudah kada mahibur hati
utak asa basamut bagawi hari-hari
caka ada nang mambawa umpat babuat
maitihi pamandangan nang langkar
jadi bahan gasan manulis kaina
bailang basilaturrahmi lawan kawan
jangan kada ingat bulik ka rumah
Basawadinian maubah kalakuan
himung amun dikatujui urang
apalagi amun bibinian bungas
nang bakandaraan hanyar liwar panampilan
cangang tatarusan kada bakidipan
Amun di rumah haja saharian
bausaha tanang pikiran bawa bahuhurun
tarus mancuba hidup labih baik
baik kalakuan kada mamusangakan urang
Bawa bahanup di bawah rapun ganal
pahin samalam batamu lawang ading bungas
liwar tupang himungnya diri nia
asa handak baduaan tarus lawan inya
kada kawa tapisah saling basama
Hangkinang, 21 Siptimbir 2020
Tidak ada komentar:
Posting Komentar