Senin, 28 September 2020
HIDUP NYAMAN KAYA URANG
Ulahan : Akhmad Husaini
Tasarah pian haja lagi kaina
ulun kada tapi maharagu nintu
handak jua pang hidup nyaman
pamakan katuju nang nyaman
rumah nang ganal mantanggang
tapi nintu kada kawa digapai
Kaya ini haja adanya sudaham
kada tapi sangalih-ngalih jua
jalani haja lawan hati himung
adahaja kaina waktunya datang
hidup kawa nyaman kaya urang
Amun kaya ini tarus hidup marista
baganaan di rumah kulir bagawi
aur balingkun di tilam hari-hari
hayalan handak sugih kaya urang
kada handak amun disamai urang
amun kawa inya haja nang sugih
Bahanu asa muar ada jua marasa
pandir kada nyaman tarus didangar
aur manguya kakurangan urang tarus
pabila jua kaina bisa ampih kaya itu
Han tia malalar kalu pandir masalah
tatarang upih bisa napa haja nang panting
jadi imam nang bisa mambaca doa aruah
Hangkinang, 21 Siptimbir 2020
Tidak ada komentar:
Posting Komentar