Labih Parak Lawan Nor Adiyati (Kelas VIII A MTsN Angkinang)

Selasa, 7 Oktober 2014

            Ngaran panjangnya Nor Adiyati. Biasa dikiau Adiyati. Diranakakan di Tawia, 9 September 2000. Wayahini sudah Kalas VIII A MTsN Angkinang, Kabupatin Hulu Sungai Selatan (HSS). Anak kadua tumatan dua badangsanak. Gawian kuitannya suwasta. Palajaran di sakulahan nang dikatujuinya Bahasa Inggris. Bulik sakulah nang digawinya baganti pakaian, makan, wan mambasuh piring. Nang digawi waktu libur manggini’i mama di rumah. Adiyati bagana di Tawia Barat, Kacamatan Angkinang. Langgar nang parak wan rumahnya Langgar Baiturrahman. Kuitannya mandidik inya baik banar rahat mambantu waktu manggawi PR. Biasa Juara Pamulaan waktu cardas carmat. Juara Dua lumba kaligrapi. Nang dikatujuinya waktu baada di sakulahan mandangarakan kawan nang curhat. Nang kada dikatujui waktu ada di sakulahan amun kada dikawani waktu istirahat. Katuju malihat di tipi kartun Spongebob. Bacita-cita handak jadi duktur. Hubi mangarang kisah. Tinggi awak 144 cm. Amun barat awak kada tahu karna balum batimbang. Guring jam 9 malam. Bangun jam 5 subuh. Parnah disariki kuitan karna manggawi kasalahan. Bila malihat ada kawan nang kasusasahan inya bausaha mambantunya. Dairah paling jauh nang biasa didatangi adalah Palangka Raya, Kalimantan Tengah, dalam rangka basilaturrahmi awan kaluarga nang ada disana. (akhmad husaini)