Sampai hari Sabtu (11/10/2014) nia
kabut asap sasain babangat di Angkinang, Kabupatin Huklu Sungai Salatan (HSS).
Dampaknya warga tasarang Infeksi Saluran Pernapasan Atas (ISPA). Banyak warga
nang badiam di rumah haja. Supaya jangan sampai takana langsung. Amun handak
kaluar jua tapaksa mamakai maskir.
Napakah marganya hingga kabut asap
nia sasain bangat. Banyak warga batukan wan jua salismaan. Asa sasak hinak.
Warga baharap masalah ini lakas tuntung. Hingga kabut asap kadada lagi. Liwar
manyiksanya kadiri amun tatarusan kaya ini.
Kaya disampayakan, Imuh, Warga
Angkinang. Inya tapaksa baganaan di rumah haja salawas musim kabut asap ini.
Takutan ka luar rumah kalu takana asap.
Dampak
kabut asap bagi kasihatan iritasi pada mata, hidung, sarta tanggurukan, wan
maakibatakan alirgi, paradangan wan jua inpiksi. Mamparburuk asma sarta
panyakit paru karitis lain. Kakuatan karja paru sasain manyusut wan
maakibatakan urang lakas uyuh wan ngalih bahinak. ISPA lakas balangsung.
Utamanya marga kada saimbang daya tahan awak, pula baktiri atawa pirus pamicu
panyakit buruknya lingkungan.
Cara
mancagah jauhi atawa kurangi kagiatan di luar tampat bagana atau gadung.
Talabih gasan buhannya nang mandarita panyakit jantung sarta masalah pahinakan.
Bila tapaksa tulak kaluar tampat tinggal atawa gadung baiknya manggunaakan
maskir. Parbanyak wan rahati minum banyu putih. Nang baisi masalah paru sarta
jantung pada awaknya, maintalah anjuran duktur gasan parlindungan tambahan
sasuai kundisi. (akhmad husaini)
Tidak ada komentar:
Posting Komentar