Kada lawas tadi, Dugal umpat riuni akbar
sakulah inya bahari. Umai-umai raminya. Bisa batamuan kawan lawas, nang sakitar
dua puluhan tahun hanyar tadapat. Banyak kawan nang sudah suksis. Samantara
Dugal kaya itu haja kadada parubahan.
Asa supan haja pang inya tatamu kakawanannya.
Tapi itu kada jadi masalah. Nang panting inya bisa batamuan kawan lawasnya. Dugal
basalaman wan bapandiran. Lalu bagambaraan gasan kanang-kanangan.
Wayahini kawan Dugal ada nang bagana di
dairah lain sakaligus wadah bagawi. Ada nang jadi guru, Kasi Satpol PP, Kapala
Sakulah, Kapala KUA, bagawi di Dinas Parikanan, dll.
Adanya riuni ini salain sarana
silaturrahmi bisa jua sabagai malapas dandaman. Salama ini Dugal jarang batamu kakawanannya.
Paling saikung dua ikung haja. Mudahan riuni kaya ini rutin digawi saban tahun.
(ahu)
Tidak ada komentar:
Posting Komentar