Dugal takajut banar, waktu inya bayar
rikining banyu liding di Kantur Pus. Kanapa ? Inya bayar larang pada nang masi.
Biasanya paling larang Rp 80 ribu, tapi bulan ini saratus ribu labih. Tapi karna
duitnya ada haja, tatapai dibayarinya.
Tapi pang hati tatap bakalangan jua.
Inya bulik ka rumah. Maitihi apakah ada nang bucur di pipa. Kada talihat pang.
Nang lain diitihi bahimat. Kada tatamu hal-hal nang bamasalah. Ini baarti sual
panggunaan banyu haja.
Dugal sadar inya mimang kurang himat
manggunaakan banyu liding. Rahat limpas di wadah panampungan. Bisa bapuluh-puluh
manit hanyar tamatii. Mungkin nintu sabuting panyababnya. Imbah tahu kaya itu Dugal
hanyar sadar bahimat banyu liding.
Banyu liding gasan minum wan bamasak
haja. Nang lain mamakai banyu sumur haja, nang parak rumahnya, sudah lawas ada
sabalum mamasang liding. (ahu)
Tidak ada komentar:
Posting Komentar