Panampilan Dugal talihat babida.
Rambutnya bilang habis, atawa gundul. Jadi inya manjadi parhatian kakawanannya
di wadah inya bagawi, atawa jua waktu baada di kampung.
Kanapa mati Dugal bagundul. Anu kawannya
Dugal bapadah bahwa inya bagundul karna
baisi nazar, bila urusannya tuntung wan suksis, inya cagar bagundul.
Tapi Dugal kada mamadahakan napa
urusannya nintu. Manurut Dugal bila sudah bagundul asa ringan pikiran. Salain
itu inya kada basurui lagi bila handak tulak bagawi, karna rambutnya sudah
handap.
Waktu takumpulan lawan kakawanannya di
warung Acil Bulkis, Acil Bulkis takajut malihat Dugal bagundul. Acil Bulkis
mangaku asa kada pinandu malihat. “Pian sasain bungas wan balangkar,” ujar Acil
Bulkis lihum.
Himung Dugal disambat Acil Bulkis sasain
bungas wan balangkar. Balalu ha inya asa ganal gulu baju. Ada saku maampat jam
Dugal baganaan di warung Acil Bulkis sambil bapandiran. Talu buting guguduh,
sabungkus nasi kuning iwak haruan masak habang wan sacangkir tih is habis langlap.
Imbahitu Dugal hanyar bulik ka rumah. (ahu)
Tidak ada komentar:
Posting Komentar