Bulik matan Nagara, karna ada urusan
panting, buhan Dugal singgah di sabuah warung makan di Tawar, Kacamatan Kandangan.
Buhan Dugal sudah rancak singgah disana.
Lalu buhannya mamasan sasuai salira masing-masing. Lukasi warung itu baada di
pinggir jalan, amun ampah Kandangan-Nagara di subalah kiwa. Buhan Dugal dudukan
di wadah nang sudah disadiaakan.
Asing-asingnya manikmati makan nang
sudah dipasan. Kada sampai satangah jam makan sudah tuntung. Lalu buhannya
manuju kasir ampun warung.
Mambaritahu napa haja nang dimakan. Pas giliran
Amang Ijul, ampun warung takajut mandangar, karna Amang Ijul manyambat iwak
bawal.
Padahal di warung nintu kadada iwak bawal.
Amang Ijul balalu maralat, bahwa nang dimakan tadi iwak nila. Nang lain umpat
lihum mandangar napa nang disambat Amang Ijul tadi. Garunuman sampai bulik ka
rumah. (ahu)
Tidak ada komentar:
Posting Komentar