SABTU, 27 FEBRUARI 2010
Tulak kahutan mancari bilaran
Gasan dikumpulakan diulah tali
Zarah ka Makam Karamat Datu Taniran
Nang katurunan Syekh Muhammad Arsyad Al Banjari
Mamajahi api tatinggal bara
Jauhakan lawan bibilah
Handak dapur datang ka Nagara
Karna disana banyak urang maulah
Bajual jaring baisukan tadi
Banyak urang nang manukarnya
Aku saurangan malam ini
Handak ka Kandangan kadada nang mambawa
Kuburan hanyar batajak batur
Supaya urang tahu tandanya
Nyaman jua baisi sapida mutur
Handak kamana haja lakas sampainya
Amun bajalan jangan talalu alun
Biar capat lakas sampainya
Jangan talalu banyak malamun
Kalu kalawasannya kaina jadi urang gila
Handak ka subarang liwat jumbatan
Singgah satumat manaik nangka
Jangan wani mahulunakan kuitan
Kaina durhaka bisa masuk naraka
Baulah kalayangan nang paling halus
Andak kahiga maambil banang
Amun kakak-kakak kalas IX sudah lulus
Jangan kada ingat lawan kami di MTsN Angkinang
Manulis cerpen sasuai tema
Tuntung dikatik kirim ka koran
Amun buhan pian sudah masuk SMA
Rajin-rajin balajar jangan banyak pacaran
Piring bahari piring malawin
Gugur ka lantai kada singhaja
Amun buhan pian kaina sudah kawin
Pasan ulun cukup dua ikung anak haja
Langganan:
Posting Komentar (Atom)
Puisi AHU : Watak Simbol Intonasi Perangai Jingga
Jumat, 22 Maret 2024 Cerita guramang alasan manis kian sinis watak simbolis kehendak penawar lara senarai kehendak intim suara nurani ego k...
-
Rabu, 26 Maret 2014 Plang penunjuk Makam Datu Taniran Desa Taniran Kubah Kec. Angkinang Kab. HSS Lokasi Makam D...
-
Sabtu, 30 Maret 2013 Selain ketupat dan dodol, apabila menyebut nama daerah pahuluan, khususnya Kandangan, sejurus tentu terbayang kes...
http:mencobaselalutersenyum.blogspot.com/
BalasHapus