Minggu, 29 April 2012

Kumpulan Pantun Akhmad Husaini

Senin, 30 April 2012


AKHMAD HUSAINI

Kumpulan Pantun

Lestarikan
Baturai
Pantun



Sketsa HSS
www.sketsahss212.blogspot.com
Menguak Hulu Sungai Selatan Lebih Jauh

2012



PANTUN-PANTUN AKHMAD HUSAINI :



Bunga mawar bunga melati
Indah disusun dalam jambangan
Adikku sayang pujaan hati
Cinta abang sepanjang zaman

Pergi berlayar ke pulau seribu
Membawa bekal kelapa tua
Teguh belajar menuntut ilmu
Untuk bekal dihari tua

Asam kandis asam gelugur
Kedua asam riang-riang
Badan menangis didalam kubur
Teringat badan tidak sembahyang

Curiak si burung palung
Bakumpul lalu tarabang
Bakuriak maminta tulung
Kapala gundul tagapit lawang

Buah pepaya rasanya manis
Manisnya seperti madu
Percaya tidak percaya
Pacarku cuma kamu

Bujur haja lantingku gadang
Jangan jua sambarang tanjak
Bujur haja diriku bujang
Jangan jua sambarang handak

Lading amas lading balati
Tancapakan ka rapun katapi
Ading bungas jangan balaki
Hadangi kaka bajual sapi

Dari mana datangnya hulat
Datangnya hulat matan tanaman
Darimana datangnya surat
Datangnya surat dari pacaran

Anak warik anak hirangan
Anak bangkui si uwa-uwa
Biar baik dalam bilangan
Kada tarukui lawan nang tuha


Hayam putih tarabang ka jambu
Imbah ka jambu ka jamban pulang
Awak putih balaki guru
Imbah guru kumandan pulang

Jarang-jarang pang baulah hatap
Hatap sabidang mandua jariji
Jarang-jarang pang kita badapat
Halat sabulan mandua kali

Dimapa akal manimbai lunta
Akar manggis bakulilingan
Dimapa akal mambuang cinta
Nang hirang manis bakurihingan

Urang bahutang handak ditagih
Cagar bukah kada bataha
Amun ikam handak sugih
Rajin-rajin bagawi jangan kulir bausaha

Tangah hari maulah gangan
Campur sadikit lawan iwak sapat
Amun pian bajalanan ka Kandangan
Singgah di Parincahan makan katupat

Duduk dirampa batis dilipat
Ulah lalaran lawan tali haduk
Handak nikmat makan katupat
Pakai tangah haja kada basinduk

Burung pipit makan kasisiur
Darakuku mati kana himpat
Di kandangan banyak rapun nyiur
Gasan bahan baku baulah katuppat

Batis luka tajajak bibilah
Jarat kain lalu diikat
Ulahakan katupat cillah
Iwaknya haruan santannya nang likat

Tawak hadupan wan kayu bapangkih
Jumlah ikungnya ada lima
Siapa kada tahu lawan Pamangkih
Kampung urang baulah tilam wan wadah manuntut ilmu agama




Mutur tulak ka riam kiwa
Di tangah jalan manukar waluh
Rami malihat padang rawa
Wadah hadangan di sungai buluh

Ka pasar kamis nukar kuranji
Gugur sabigi dimakan kirat
Ada karajinan kupiah haji
Nang diulah bubuhannya di tabu darat

Tali lalaran dihiga wisi
Ampah ka kiwa ada lasung
Di Tanah Laut banyak wadah rikriasi
Kaya Pantai Batakan wan Pantai Takisung

Di Padang Batung banyak tugu
Tanda mahargai lawan pahlawannya
Satiap hari atawa satiap minggu
Banyak urang mandatanginya

Ari hujan napa diadu
Main dumlah wan bacatur
Siapa kada tahu lawan Sirkuit Marido
Wadah urang balajuan basapida mutur

Tulak ka Kaltim singgah di Kutai
Malihat kotanya pina takurijat
Candi Agung nang ada di Amuntai
Rahat didatangi urang nang baisi hajat

Kucing anak babalang tiga
Rami bamainan sapakawanannya
Amun handak rukun bakaluarga
Rahat basilaturrahmi satiap harinya

Urang sugih urang miskin
Hidup rukun jangan bamusuhan
Tahulah lawan kampung barikin
Banyak sasapu wan kuda ayunan

Sabigi kasturi ada bapira
Mantuk diutukar di banyu tajun
Sungai Garuda andaknya di Nagara
Wadah nang rami urang maunjun




Angin ribut rapun rabahan
Batang galam rabah ka padangan
Manyuar iwak jadi gawian
Dapat papuyu wan kalicingan

Banyak madu matan kalulut
Urang katuju marga manis rasanya
Di Banua Halat urang baayun maulud
Satiap 12 Rabiul Awal saban tahunnya

Manjahit baju lawan banang
Rabit sadikit dirataakan
Siapa kada tahu lawan binuang wan pulau pinang
Wadah panyinggahan  wan banyak rumah makan

Mancari anai-anai di balamika
Imbah ditubak dikaluarakan
Saban baisukan kandang dibuka
Nyaman hayam mancari makan

Bahasa Indonesia disambat kerbau
Hadangan bahasa banjarnya
Supaya kandang kada babau
Saban hari jangan kulir mambuangi tahinya

Ka Sungai Raya mancari puyuh
Singgah di Hamalau manukar nasi pundut
Amun hayam handak kada pauyuh
Saban malam dibuat kakadut

Rancak barabah karna sakit gigi
Maambil sirih lalu diracah
Hayam bahintalu sapuluh bigi
Talu minggu hanyar mamacah

Mancari iwak lawan jambih
Lalu diandak diancak sapida
Handak baingunan hayam saribu ikung labih
Tapi mudalnya kada-ada







Manyiram kambang sahari dua kali
Supaya tumbuh kada marana
Amun ada nang hakun mamudali
Barangham wani bahutang bayarnya kaina

Baisukan tulak bacari
Umpat bagawi manyamin batun
Tarima kasih lawan RRI
Karna ada acara babalas pantun

Tulak bajalanan handak malunta
Kada ingat bulik manuju jalan lurus
Ada jua nang hidup marista
Laki bini bahual tarus

Manjahit baju kada bakima
Karna kadada lubang
Agar-agar wan sumapan surungan partama
Nang kadua nasi kuning wan iwak hayam masak habang

Panjang pensil dua kilan
Sambil diraut supaya curing
Hujan baribisan kami bajalan
Naik gunung manyusur tabing

Minyak malindap tangan luyuh
Imbahitu dibawa baubat
Awak mulai uyuh
Kami singgah satumat

Hari Jumahat dicatuk dauh
Urang sambahiyang sudah masukan
Parjalanan masih jauh
Asa lapah manyampaiakan

Ka Taniran jalan Wawaran
Handak baurut karna tasilahau
Amun pacaran jangan kaliliwaran
Bacium bapagut kada tahu-manahu

Muha bangkak diigut wanyi
Mantuk mamuai parak jumbatan
Baduduaan di padang sunyi
Nang katiga adalah sitan

Kai Inas maulah lamang
Banyak bumbung di kiwa di kanan
Awak gatal pina bagimang
Marga mandi kada sing sabunan

Handak guring minum ubat CTM
Mulai barabah lalu tasandar
Wayahini rami radio FM
Basaing marabut hati pandangar

Handak baucap di ujung ilat
Kada ingat handak mancari
Sidin mambari nasehat
Baik-baik manjaga diri

Kakanakan rami basapatu ruda
Rami dijalan bagagasakan
Kami mulai manajak tinda
Karna kauyuhan kada kawa manarusakan

Maulah gangan pakai tipakan
Imbah makan ilat asa panas
Batahun-tahun kami manyiapakan
Mudahan suksis umpat Napak Tilas

Samalam makan pupudak
Hari ini makan lakatan
Tangah malam kami bamandak
Tatamu kai nini di tangah hutan

Mutur ganal bajurutan
Kalinya ada nang tabalik
Pamulaan asa takutan
Sakalinya sidin urangnya baik

Imbah makan banyak barimah
Sisa iwak ditukupi lawan piring
Mambawai masuk ka dalam rumah
Kami umpat guring

Jalan-jalan ka kota Mekkah
Jangan lupa beli kopiah
Kalau kaka ingin menikah
Hadang ading tuntung sakulah

Lading amas lading balati
Tancapakan ka limau kuit
Ading bungas jangan balaki
Hadang kaka mancari duit





Kitik-kitik daun rumbia
Daun nangka balik tilantang
Apik-apik dalam dunia
Api naraka sudah mahadang

Gugurnya iman karena nafsu
Gugurnya bunga karena layu
Luluhnya hati karena dirayu
Gugurnya kapala marga dipalu

Hari ini hari Kamis
Saputanganku gugur ka jurang
Hari ini aku manangis
Marga pacar diambil urang

Nyaman-nyamannya makan karak
Makan karak dipipiringan
Nyaman jua pacaran parak
Kawa jua batitiringan

Aku bingung soal IPA
Apalagi soal matematika
Aku bingung soal cinta
Apalagi cinta pertama

Sungguh indah bulan purnama
Tapi sayang tertutup awan
Sungguh indah cinta pertama
Tapi sayang tinggal kenangan

Buah manggis diatas pati
Buah rambutan dibungkus kain
Ading sudah ada dihati
Kada mancari nang lain

Pucuk pisang gadangnya layu
Kamana jua mambuangakan
Kuhadang-hadang baluman lalu
Kamana jua ading ai manakunakan

Antah baras buang karama
Puang cuntang diisuk ari
Kadakah maras hati adinda
Kakanda datang basarah diri



Banang kapas sangkut diparing
Handak dipintal cakada kawa
Kakanda bungas kamari guring
Ada bantal muat badua

Lamun jadi kita ka Kuin
Kain sajar kurabit dua
Lamun jadi kita takawin
Tikar salambar kurabit dua

Jalan-jalan ke simpang dua
Singgah bagunting di salun
Amun pian mancabang dua
Labih baik putusakan ulun

Gayang disalukut sampai mandah
Ambil tikar dijauhakan
Amun pian ada pamandangan indah
Ambil kudakan lalu abadiakan

Mangaut nasi buat ka baskum
Ambil suun cap karita
Napa gawian buhan PDAM wan Telkom
Inya marusak jalanan kita

Main badminton mamakai rakit
Imbah tuntung balalu mandi
Kada nyanyamannya manyandang sakit gigi
Salah saurang kada maingat makan iwak wadi

Banyak raja bagalar radin
Nang bini disambat parmaisuri
HSS jua digalari Bumi Antaludin
Wayahini dipimpin Bupati Safi’i

Kupas  kantang diulah gangan
Nyaman dicampur lawan nasi
Banyak sastrawan matan Kandangan
Nang maisi media wadah bakreasi

Manjatu kasturi wan kuini
Jangan bakadap amun kada wani
Sastrawan dahulu wan wayahini
Kaya Burhanuddin Soebely wan Aliman Syahrani




Kada makan parut garurukan
Tahani satumat haja
Kada baik jua talalu banyak makan
Pikiran buntu kulir bausaha

Subuh tadi manjatu kasturi
Siangnya manaik tarap
Hari hujan napa nang digawi
Awak dingin bawa baragap

Urang bajual rambutan haraganya larang
Manaiknya parak jumbatan
Imbah baragap tahu saurang
Nang bini mandi basah nang laki awak ringkutan






1 komentar:

Puisi AHU : Watak Simbol Intonasi Perangai Jingga

 Jumat, 22 Maret 2024 Cerita guramang alasan manis kian sinis watak simbolis kehendak penawar lara senarai kehendak intim suara nurani ego k...