Ada nang babida di warung Acil Bulkis.
Kada masalah wadai, minuman, makanan, dalam palayanan. Tapi ada palkat hanyar
batulis Warung 24. Dugal panasaran handak tahu napa marganya dingarani Warung
24 itu. Lalu inya baduhara batakun langsung anu Acil Bulkis. Tapi sabalum
manjawab, Dugal malihat muha Acil Bulkis pina ubah, talihat sadih.
“Ada sajarah pahit nang ulun parnah alami,”
ujar Acil Bulkis.
“Apakah nintu tanggal lahir pian? ” ujar
Dugal batakun.
“Bujur itu tanggal lahir ulun. Itu jua
tanggal lahir wan tanggal maninggal abah ulun,” ujar Acil talihat titik banyu
mata.
Dugal jadi kada nyaman. Samula handak
batakun biasa haja, sakalinya Acil Bulkis jadi sadih.
“Maap amun ulun salah, pian jadi sadih
mangganang masa lalu,” ujar Dugal.
“Kada apa-apa, mudahan adanya Warung 24
ini mambuat ulun samangat manjalani hidup, samangat bagawi, barkat abah ulun nang
dahulu wadah curhat ulun,” ujar Acil Bulkis. (ahu)
Tidak ada komentar:
Posting Komentar