Dugal nintu urangnya pandiam wan panyupan.
Tapi katuju bakawan wan bajalanan. Katuju jua bagaul lawan siapa haja, kada
mamandang miskin atawa sugih.
Dugal nintu urangnya ingkul inggris. Maksudnya
saraba bisa, saraba hakun. Tarutama nang mangarah pada kabaikaan.
Amun ada dimana haja kada bakalan
mandarita atawa sakit. Hidup Dugal sadarhana apa adanya. Sawat dahulu inya
mahunur di sakulahan parak rumahnya, talu walas tahun bagawi, imbahitu inya
ampih. Alasannya muyak wan handak bibas.
Wahini Dugal baingunan hayam kampung wan
hayam bangkuk. Dalam saminggu satiap ada waktu inya manyasah pasar gasan bacari
hayam.
Hari Sanayan ka Pasar Birayang, hari Salasa
ka Pasar Pantai Hambawang, hari Kamis ka Pasar Ilung, hari Jumahat ka Pasar
Bagambir, hari Sabtu ka Pasar Halong.
Salain manyasah pasar dua hari husus ka
tampat balain, yaitu hari Arba ka Parpustakaan HSS mambaca buku, hari Ahad
bajalanan ka tampat wisata. Ingkul inggris nintu mimang banyak gunanya.
Marganya banyak urang katuju wan parajakian. (ahu)
Tidak ada komentar:
Posting Komentar