Malam Ahad di kampung Dugal diadaakan
acara Mahalarat, andaknya di Langgar Al Kautsar. Dalam rangka bamula bahuma
tahun ini. Langgar hibak wan jamaah, warga Hangkinang, anum wan tuha. Baik
bibinian atawa lalakian.
Acara diawali lawan sambahiyang Maghrib
bajamaah, lalu sambahiyang Hajat, mambaca Surah Yasin. Imbahitu sambahiyang Isya.
Imbah tuntungan, saluruh warga manikmati makan, barupa nasi bungkus iwak haruan
masak habang, tih manis, wan wadai ruti.
Adanya Mahalarat ini diharapakan agar
kagiatan bahuma di Hangkinang bajalan lancar, saluruh rangkaian bahuma mulai
manaradak sampai mangatam, mandapat hasil nang bagus, amun banyak kawa bajakat.
(ahu)
Tidak ada komentar:
Posting Komentar