Di tampat Dugal bagawi banyak pasilitas
gasan ulahraga. Tinggal urangnya haja lagi katuju atawa kada. Dugal tamasuk
nang kada katuju ulahraga.
Waktu sakulah bahari, jarang Dugal umpat
paraktik ulahraga. Nang paling rami digunaakan adalah puli wan tinis mija.
Amun puli rancak tim sakulahannya, baik
guru maupun siswa batanding umpat lumba kaluar madrasah. Rancak latihan tantu
hasilnya bagus jua nang cagar diraih. Kaya itu jua lawan tinis mija.
Di ruang Kamad ada mija hanyar.
Tujuannya gasan paristasi tinis mija sasain bagus. Dugal hanya jadi panuntun
haja adanya sarana ulahraga nintu. Rancak kawannya manyuruh sakali-sakali
mancuba, tapi tatap haja Dugal baranai, dasar kada katuju ulahraga kada kawa
disuruh-suruh. (ahu)
Tidak ada komentar:
Posting Komentar