Dugal maras banar malihat paristasi kasablasan
kabanggaan urang Banua, Barito Putera nang kada kaya dahulu lagi. Malah masuk
klub nang cagar tadigridasi di kumpitisi Liga 1. Dugal kada tahu nangapa sampai
kaya itu?
Handak jua inya malihat pamain bal asal
Banua baparistasi di tingkat nasiunal maupun intarnasiunal. Dugal bamimpi
Barito Putera Juara Liga Indonesia, lalu mawakili Indonesia di tingkat Asia.
Tapi nintu kahandak Dugal haja pang. Dugal
bado’a mudahan Barito Putera kada kalah lagi amun main di kandang atawa di
tandang. Tumatan bahari Dugal katuju lawan Barito Putera.
Waktu bahari Dugal mandangar siaran
kandang, bila Barito Putera main di Banjar malalui siaran RRI Banjarmasin. Pamain
Barito Putera nang masih diingat Dugal waktu itu, ada Frans Sinatra Huwae,
Yunan Helmi, Ismayana Arsyad, Abdillah, wan lain-lain. (ahu)
Tidak ada komentar:
Posting Komentar