Umur parak 40 tahun, Dugal masih nyaman
mambujang. Kakawanan di kampung nang saumuran, jua kawan sakulah, rata-rata
sudah kawin wan baanakan ganal. Asa supan haja pang Dugal amun batamu urang
atawa kakawanan, bila batakun sual satatus.
Sudah babinikah? Barapa ikung anak? Niat
hati handak babini sudah ada, mungkin baluman juduh. Sabarai. Di wadah bagawi,
banyak anak murit nang kuitannya kawan Dugal bahari waktu sakulah. Supan banar
batamuan.
Buhannya sudah baanakan, samantara Dugal
masih mambujang, saurangan. Pabila jua? Itu tarus tatakunan urang atawa kakawanan,
pas urang ada pangantinan. Dugal ranai haja kada manjawap, cuma lihum bapair.
Bahanu asa marista jua diri malihat kanyataan.
Hidup kada kaya urang, pandidikan randah, gawian masih mahunur. Samantara urang
lain wan kakawanan sudah mapan wan bakaluargaan. Dugal bausaha tabah wan salalu
basukur mahadapi kanyataan hidup nia. (ahu)
Tidak ada komentar:
Posting Komentar