Di kampung Dugal ada babarapa urang nang
tulak haji tahun ini. Sudah tuntung malaksanaakan rangkaian ibadah haji di
Tanah Suci. Buhan sidin nang naik haji itu, bamacam-macam gawiannya. Ada nang jadi
padagang, pagawai nagri, guru, wan lain-lain.
Buhannya basiap bulik ka kampung halaman
sasuai urutan kalutir. Lawang sakiping sudah ditajak di muka rumah. Kaluarga cagar
aruh gasan manyambut undangan nang mahadangi. Mudahan mandapat paridikat haji
mabrur.
Ulih-ulih Tanah Suci nang cagar dibariakan
biasanya ada air zam-zam, kurma, kismis, wan lain-lain. Maragap lawan haji nang
datang mudahan dapat barkah. Kawa jua kaina manjajak Tanah Suci, jarah ka Makam
Nabi Muhammad SAW, ada jalan wan usaha gasan mancapainya. (ahu)
Tidak ada komentar:
Posting Komentar