Wayahini sudah musim bahuma
baisukan kamarian tulak ka pahumaan
sudah manjadi kabiasaan warga di kampung
pahumaan ditabasi balalu ditanami banih
Manaradak bamula di pamatang
manunggu tumbuh babarapa minggu
kaina kumpai di balik wan di wiwih
imbahnya di puntal wan di ampar
Hanyar ditanami banih amun sudah ganal
apa masih kaya itu wayahini
lawas kada ka pahumaan lagi
Ujar manaraktur sudah ada
tinggal ditaraktur pahumaan siap
ditanami
pabila haja amun handak
mangatam gin kada pakai ranggaman lagi
harit jua kada tapakai lagi
Ada masin nang husus mangatam
tinggal dibuat kadut kawa dibawa ka rumah
apakah cagar kada bahuma lagi
warga tatap haja karna sudah pancaharian
kaya apa makan mun kada bahuma
jaga pahumaan jangan disalah gunakan
Kandangan,
9 Desember 2016
Tidak ada komentar:
Posting Komentar