Marasnya pang hidup Dugal. Kada kawa
manukar baju. Hingga itu-itu tarus nang dipakai. Sudah batahun-tahun labih inya
mamakai baju nintu haja. Ada duit gasan kaparluan lain. Padahal bajunya nintu
sudah kubas, batagar wan tali lambuan.
Marasa supan haja pang Dugal baju nintu dipakai
ka urang banyak. Tapi karna kadada pilihan lain, tapaksaai mamakai nintu-nintu
haja. Karna sudah nyaman wan rasuk. Malam biasa dipakai Dugal, amun siang hanyar
di tapas.
Manapasnya gin kada pakai sabun atawa nang
lain. Baju dirandam ka banyu barasih dikucak-kucak babarapa waktu. Imbahitu hanyar
diparas banyunya, balalu didadai. Kaya itu satiap waktu.
Hingga kawan Dugal, mambari galar Dugal lawan
Dugal NTB. Kada ngaran parupinsi pang. NTB nintu kahundapan matan Nintu Tarus Baju.
Nang baarti baju itu tarus nang dipakai Dugal kamana-mana. (ahu)
Tidak ada komentar:
Posting Komentar