Tahun 2019 ini Dugal cagar manulis nupil
basa Banjar, judulnya Hangkinang. Marupakan nupil biugrapi parjalanan hidup Dugal
saurang, mulai inya waktu kakanakan hingga tuha. Dalam nupil nintu kaina tabagi
babarapa bab, nang ada istilah hususnya.
Kisah Bahari Waktu SD, Kisah Bahari
Waktu Sanawiyah, Kisah Bahari Waktu Aliyah, Kisah Bahari Waktu di PSBR, Kisah
Bahari Waktu Madam Mangangarun, Kisah Wayahini Bagawi di Sanawiyah, Kisah Bakat
Manulis wan Sastra, Kisah Baingun Hayam Kambang.
Tujuan Dugal manulis nupil nintu sabagai
upaya mandukumintasiakan kanangan liwat tulisan. Jua upaya malastariakan basa
Banjar. Kaina nupil nintu cagar jadi buku. Sabalumnya ditulis sacara basambung
di blog pribadi, wan sakali-sakali cangul di akun pisbuknya. Bila sudah banyak
sacapatnya dibukuakan.
Dugal baharap rancananya ini dapat
dukungan samua pihak. Tarutama kakawanan bahari nang talibat maupun kada, dalam
pangalaman hidupnya, baik waktu SD, Sanawiyah, Aliyah, PSBR, hingga wayahini.
Saling babagi pangalaman suka wan duka waktu bahari nang cukup mangasankan.
(ahu)
Tidak ada komentar:
Posting Komentar