Ahirnya Hinip Jua

Selasa, 15 Januari 2019

Urang di kampung subalah rami banar
cagar handak baarakan pulang
karna dapat tarupi nang sudah diidamakan
nang sudah batahun-tahun dihadang

Kanapa disini maka ranai
padahal tahun dahulu wan masi-masi
rami banar baarak tarupi bakuliling kuta
nah ham marasnya kada dapatkah ?

Sudah bagawi karas kadada hasilnya
ada waktunya paristasi kada kawa diraih
kita kada bulih sumbung wan harat pada urang
tugu sudah diulah ganal-ganal sabagai bukti
nintu paristasi masa lalu sabagai kanangan haja

Jangan mambanggaakan paristasi tarus
bahanu asa maniniwah jua kabanyakan paristasi
sakalinya mandabuk jua hanyar hinip
jangan ada kambing hirang diantara kita
barataan sudah bausaha sabarai mahadapi

Kandangan, 15 Januari 2019