Di kampung Dugal bahari ada wadah
paraktik kasihatan, yakni Tukang Gigi Samijo. Warga kampung Dugal mangiau sidin
Bapak Samijo, sidin nitu urang Jawa. Waktu itu Dugal masih SD. Dasar kalakuan
katuju macal, karna kakanakan, wajar haja. Sampat disariki guru, wan jua urang lain.
Di muka rumah Bapak Samijo ada palkat
nang batulis SAMIJO TUKANG GIGI. Antah kanapa waktu itu urang kada wani lagi datang
ka rumah Bapak Samijo, baik nang bapariksa gigi atawa bacabut. Tanyata ada nang
babida di palkat tatulis SAMIJO TUKANG GIGIT.
Nang baarti Bapak Samijo itu suka
maigut. Tanyata itu samua gawian buhan Dugal. Manambahi hurup T lawan cat
hirang. Kuitan Dugal lalu maminta maap atas kajadian nintu. Sampai wayahini
Dugal masih haja kaingatan pangalaman lucu nintu. (ahu)
Tidak ada komentar:
Posting Komentar