Imbah Isya pina ranai kampung Dugal.
Mungkin warganya bahinip di rumah haja. Kauyuhan bagawi waktu siang.
Dugal balalu balalah ka luar rumah,
bajalan batis manuju warung Acil Bulkis. Waktu sampai di warung, disana ada
babarapa urang.
Dugal mamasan tih is anu Acil Bulkis.
Maambil guguduh pisang manurun nang masih tasisa talu buting lagi. Maambil
patis lalu manuang ka pipiringan halus.
Sabuting guguduh habis, ambil pulang
sabuting. Talu buting kada basisa lagi. Cangang Acil Bulkis, sambil manakuni
handak lagikah.
"Kaina ulun maulahakan
pulang," ujar Acil Bulkis.
"Kada usah gin, mangalihi pian
haja, parak tutup sudah," ujar Dugal.
Tapi Acil Bulkis tatap maulahakan
guguduh pisang manurun.
"Supaya malam kada hinip lagi,
guguduh ini ulun ulahakan sapisial gasan pian," ujar Acil Bulkis. (ahu)
Tidak ada komentar:
Posting Komentar