Dahulu Dugal suwah mangangarun atawa
mambilupah mangatam di Gambut. Biasanya saban musim katam tulakan.
Inya bakawan ka sana, kakawanan di
kampung jua. Buhan Dugal naik taksi mutur colt. Imbahitu diturunakan urang di
Pasar Gambut. Lalu dari Pasar Gambut tadi sudah ada urang hadang-hadangan
mambawa ka wadah pangangarun. Kawan Dugal nang umpat ada Raji, Undat, Gabau wan
Kacit.
Singkat kisah buhan Dugal sudah sampai
di rumah wadah pangangarun. Sidin itu ti baisi banyak pahumaan. Tapi sayang
jauh-jauh pada rumah, ada saku sakilu nang pamaraknya. Jadi buhan Dugal manuju
pahumaan itu imbah makan baisukan jam anam tulakan, manyawati supaya bapakulih.
Karena buhannya bakal saharian di pahumaan
haja, kada babulikan. Bila sanja haja hanyar bulikan. Itu dilakuakan
baminggu-minggu, sampai kataman tuntung.
Gasan mahibur hati pada malam hari
buhannya mawarung, kaya gawian di kampung jua. Andak warung kada tapi jauh pada rumah wadah
Dugal bamalam salama mangangarun.
Ampun warung bungas banar wan ramah
banar. Urangnya bajilbab. Buhan Dugal bilang saban malam kasana.
Bahanu buhan Dugal katuju maLILIK bibinian
nintu. Tapi sayang waktu Dugal baparak bibinian nintu bapadah INDAH karna,
ujarnya lain muhrim.
Bulik mawarung pukul sablas malam, manuju
rumah ampun rumah pangangarun. Dugal masih kaingatan bibinian palayan warung nang
katuju inya LILIK namun dipadahi ulih bibinian nintu INDAH diparaki ulih Dugal
wan kakawanannya. (akhmad husaini)
Tidak ada komentar:
Posting Komentar