Di sakulahan wadah Dugal bagawi, ada
guru nang baisi mutur Kijang. Buhannya maulah parsatuan bangaran Parsatuan
Kijang Talu (Parkita).
Karna nang baisi mutur Kijang nintu
urangnya talu urang. Sabagai Katua Amang Imus, Wakil Katua Amang Ijul wan
Sikritaris Amang Imi.
Banyak manpaat nang dirasaakan adanya
buhan guru nang baisi mutur. Apabila ada kaparluan sakulah samisal ada lumba
mambawa kakanakan di luar sakulahan, atawa mambawa gasan saruan pangantinan.
Sabagai Katua Parkita Amang Imus bausaha
kaya apa urganisasi sasain maju. Buhannya rancak bajalanan wan bakumpulan lawan
kumunitas Kijang di tampat lain.
Disana banyak nang didapatakan. Kada sahibar
mambuang waktu haja. Tapi ada manpaatnya, mudahan Parkita tatap iksis sapanjang
waktu. (ahu)
Tidak ada komentar:
Posting Komentar