Maingun itik banyak hintalu
Bulik kamarian ampah ka kandang
Sudah babarapa hari aku manyandang
Mantuk kacalakaan di Kandangan Hulu
Manungkih kayu lawan kapak
Kucing masuk lalu di gaha
Sama-sama sapida mutur barampak
Mumui darah di hidung wan di muha
Buhan paramuka handak bakimah
Ban miris lalu di kumpa
Mudahan samuanya ada hikmah
Atas kajadian nang manimpa
Saban malam tipi dialih
Tatamu luang lalu dikuit
Nyaman waktu garing tinggal pilih
Napa nang handak asal ada duit
Sakulah SD sampai kalas anam
Bila bapandir rancak kada bakukumaan
Di Angkinang wayahini musim batanam
Baisukan kamarian rami di pahumaan
Tidak ada komentar:
Posting Komentar