Purama Pancalutan

Kamis, 15 Mei 2014

A. SYARMIDDIN, diranakakan di Hulu Sungai Selatan, 9 Agustus 1952. S2 Magister Administrasi Publik. Nupimbir 2009 pangsiun jadi pagawai Pamarintah Kabupaten Hulu Sungai Selatan. Suwah jadi guru SMP Negeri 3 Banjarmasin (1973), SMP Negeri 1 Kandangan (1975). Takumpul wan kakawalan saniman di Posko La Bastari Kandangan. Manulis matan 1970-an, sapalihan ada di Banjarmasin Post. Puisi hidin tabuat jua dalam

Antologi Puisi Penyair Kalimantan Selatan, La Ventre de Kandangan (2004), Tarian Cahaya di Bumi Sanggam (2008), Doa Pelangi di Tahun Emas (2009), Menyampir Bumi Leluhur (2010). Lain pada manulis, umpat jua mayuri baadu kasanian, napa haja. Karasmin kasanian nang suwah diumpati: Festival Teater Tingkat Nasional (di Surabaya, Jakarta, Bali, Mataram, Festival Teater Anak di Jakarta) wan Aruh Sastra Kalimantan Selatan.

IWAN YUSI, diranakakan di Kandangan, 2 Disimbir 1960. Panambaian manulis 1979, tagal mangirim ka surat kabar hanyar pihan 1981. Tulisan hidin sapalihan ada di Banjarmasin Post. Hidin paharatnya pihan ada nang bahaharatan maulah tulisan nang digawi bubuhan Depdikbud, atanapi LIPI. Galumuk puisi hidin nang sauranganan: Kakamban Habang (1983) wan Gelang-Gelang Merjan (1984). Ada jua nang basamaan, Palangsaran (1982) wan Jendela Tanah Air (1995). Buku hidin saurang: Misteri Padang Galam (Balai Pustaka, Jakarta, 1994), Mungkur Kambing (Mitra Gama Widya, Yogyakarta, 1995), Cerita Rakyat Kalimantan Selatan 2 (Grasindo, Jakarta, 1996, wan Djarani, EM wan Burhanuddin Soebely), Tanah Kenangan (Riyadi Putera, Jakarta, 1995), Kabut Murung Kayu (Mitra Gama Widya, Yogyakarta, 1997), Anak-Anak Balai (Mitra Gama Widya, Yogyakarta, 1998), Jingah (Adicita Karya Nusa, Yogyakarta, 1998), Kantawan (Adicita Karya Nusa, Yogyakarta, 2000), Loksado (Renika Cipta, Jakarta, 2001), Tambalaras (Sahala Adidayata, Jakarta, 2004). Hidin banyak dapat panghargaan: LGK Mendikbud RI (1992), Adikarya IKAPI (1998), Guru Berprestasi Bidang Peningkatan Apresiasi Sastra Anak Mendiknas RI (2003), Anugerah Kebudayaan Menbudpar RI (2006), Tanda Kehormatan Satyalencana Karya Satya Presiden RI (2010). Hidin guru SMK Negeri 1 Kandangan.

HARDIANSYAH ASMAIL, diranakakan di Kandangan, 1 Uktubur 1960. Lain pada manulis puisi, imbah anu main sandiwara wan bubuhan Posko La-Bastari Kandangan wan PGRI Kabupaten Hulu Sungai Selatan. Hidin hudah jua baisi kinditan puisi saurang, Bawanang (1996) wan Kembara (1997). Nang lain, sapalihan tabuat di kinditan basamaan: Jendela Tanah Air (1995), Meratus Berduka (2000), Jembatan (2000), La Ventre de Kandangan (2004), Seribu Sungai Paris Barantai (2006), Doa Pelangi di Tahun Emas (2009) wan Konser Kecemasan (2010).

MUHAMMAD FUAD RAHMAN (KAYLA UNTARA), diranakakan 22 Saptimbir 1981 di Kandangan. Tamat sakulah di Politeknik Negeri (jurusan Teknik Sipil) Banjarmasin. Matan umur 9 tahunan sampai wayah niti, rancak jadi nang paharatnya amun umpat baadu mambaca puisi, sandiwara, atanapi manulis puisi, kisah handap, atawa manggambar. Pihan sakulah di SMP Negeri 5 Kandangan haja, hidin suwah ka Surabaya, mawakili sakulahannya, baadu manggambar sa-Indonesia. Umpat balalajaran, main sandiwara, atanapi mamanda, di Posko La-Bastari Kandangan. Suwah umpat Festival Teater se-Indonesia Timur di Banjarmasin. Puisi, kisah handap, atanapi ulahannya nang lain, sapalihan ada di Tabloid Budaya Gerbang (Kandangan), Banjarmasin Post, Radar Banjarmasin, Tabloid Serambi Ummah (Banjarmasin) wan Media Kalimantan (Banjarmasin). Tulisannya tabuat jua di La Ventre de Kandangan (2004), Orkestra Wayang (2009), Doa Pelangi di Tahun Emas (2009), wan Menyampir Bumi Leluhur (2010). Wayah Aruh Sastra Kalimantan Selatan VII di Tanjung, Kabupaten Tabalong (2010), numur dua nang paharatnya baulah kisah handap basa Banjar.

ALIMAN SYAHRANI, diranakakan 30 Disimbir 1976. Manulis puisi, novel, wan kucapa, tabuat di surat kabar atanapi website Kalimantan Selatan, Surabaya, Jakarta wan Malaysia (sapalihan sudah dibukuakan). Dapat Hadiah Seni (Sastra) Gubernur Kalimantan Selatan (2003).