Dugal kaingatan waktu masih kakanakan
bahari. Musim buah kasturi di kampungnya umpat jua manjatu kasturi lawan
kakawanannya. Paling jauh rapun kasturi satangah pal pada rumahnya. Biasa
manjatu kasturi waktu angin ribut. Atawa jua baisukan sawat.
Raminya manjatu kasturi waktu angin ribut
bila gugur ka tanah Dugal badahulu lawan kawan rancak kada sawat. Bila ka padang
sabat ngalih mancarinya. Apalagi amun ka sungai larut ampah ka hilir.
Amun di wadah nang lingai tanyaman
mancarinya. Suah jua Dugal lawan kawannya, imbah Isya manjatu kasturi ka
subarang sungai. Jaraknya sakitar 200 mitir pada rumahnya. Buhannya mambawa
sintar masing-masing, gasan panarangan jalan.
Kada tahu nyamuk banyak, nang panting
buhannya asik haja manjatu kasturinya. Hasilnya dikumpulakan basamaan. Isuknya
dijual, duitnya gasan baulanja. (ahu)
Tidak ada komentar:
Posting Komentar