Dugal takumpulan wan kakawanannya di
gardu pus runda imbah Isya. Pas main bal di tipi. Tayangan Piala Dunia 2018 di
Rusia. Dugal wan Gabau sambil malihat mainbal babacapatian. Gabau manyurung
tatakunan.
Pamulaan kayu napa nang disanga dahulu
hanyar dirasai. Kadua kayu apa nang bisa bajalan di banyu. Katiga kayu apa nang
bisa banyanyi. Dugal mandam satumat karna kada bisa manjawap. Lalu Gabau
mambuka jawapan.
Kayu nang disanga dahulu hanyar dimakan
atawa dirasai adalah kayupuk, maksudnya karupuk, karna urangnya mingsang
manyambat. Lalu kayu nang bisa bajalan di banyu adalah kayutuk, maksudnya kalutuk.
Lalu nang paampihan kayu nang bisa banyanyi
adalah kayuki, nang maksudnya karuki. Mangakak Dugal mandangar tatakunan wan
jawapan Gabau nintu. (ahu)
Tidak ada komentar:
Posting Komentar