Dugal tamasuk nang paling aktip di dunia
maya hususnya di pisbuk. Saban hari pasti ada haja inya mamusting tulisan.
Tarutama barita wan gambar kagiatan wadah inya bagawi. Salain itu Dugal rajin
jua mamusting hasil bajalanan, puisi, kisah, wan nang lain-lain.
Sudah ribuan kawannya di pisbuk. Nang
paling kada dikatujui Dugal bapisbukan amun di dunia maya pina akrab, tapi amun
sudah di dunia nyata tasampuk bahu yatu kada barawaan. Ada baik wan buruknya
jua bapisbukan nintu. Dugal bisa manyalurakan bakat manulisnya. Biasanya sahari
paling sadikit inya manulis sabuting tulisan.
Himung bila tulisan nintu dikatujui wan
dibari kumintar ulih kakawanannya. Ada babarapa urang nang dikanal di pisbuk.
Di dunia nyata rakat batamuan lalu marawa. Tapi nang kaya itu kada banyak.
(ahu)
Tidak ada komentar:
Posting Komentar