Di Banua Dugal parak pulang diadaakan
pamilihan kapala dairah atawa Pilkada. Jadi gasan mahadapi itu dibantuklah
Panitia Pangawas Pamilu (Panwaslu). Sudah disiapakan buhan anggutanya. Karna
kada bapandidikan tinggi, rancana Dugal handak umpat jadi angguta Panwaslu,
batal.
Padahal inya handak banar jadi anggutanya.
Mudahan ada jalan lain gasan maramiakan Pilkada kaina. Amun kada di kabupatin
umpat nang ada di kacamatan atawa di kampung haja. Kita maulah Panwaslu jua.
Lain Panwaslu tandingan pang. Tapi Panwaslu itu kahandapan matan Panitia
Pangawas Balu.
Kaya apa sakira nasib bubuhan balu jadi
labih baik lagi. Dasar liur anum jua buhan Dugal. Kalu lain kampung bisa
diambil bini, amun sudah cucuk. Ada balu nang mati ditinggal laki, atawa marga
ampihan balaki, dimana nang laki kawin kalain pulang. (ahu)
Tidak ada komentar:
Posting Komentar