Lawas kada makan wadi, Dugal tangah hari
gancang banar makan. Dua piring inya hadapi hanya babarapa puluh manit haja.
Imbah makan inya tasandar kakanyangan di
higa lawang. Iwak wadi papuyu satabah nintu ditukarnya di pasar baisukan tadi.
Ada dua macam janis masakan nang diulah
umanya.
Ada nang basanga wan masak basantan.
Hancur tupang liur. Kada tahu imbahnya, biasanya amun makan wadi ulahan saurang
kapala kada lawas marinyut.
Apalagi makannya bakawan bilungka bakukur.
Dugal asa marasa nikmat makan kaya nintu. Daripada biasanya dibawai ka warung
makan lawan nang nintu-nintu haja. Amun ini asa bujur-bujur has Banua. (ahu)
Tidak ada komentar:
Posting Komentar