Kampung Dugal gigir. Di parak gadung
ulahraga, ada kaanihan. Sabuah mutur baguyang saurang. Hal ini tantu haja
mambuat warga jadi tumbur. Tunggal ikungan warga badatangan handak malihat
kaanihan nintu.
Mutur nang ba plat habang kada dikatahui
siapa ampunnya. Tapi muncul kaanihan, muturnya baguyang saurang walau masinnya
kada dihidupakan. Gadung ulahraga nintu parak hibak. Ada saku parak saribu
urangnya.
Taumpat jua Dugal datang kasana. Handak
malihat paristiwa anih wan ajaib. Ujar Dugal ini bakalan jadi barita hangat,
nang parlu disabarakan ka urang banyak. Kada haja di Banua, tapi jua sa
Indonesia bahkan sa duniaan.
Singkat kisah mutur itu kawa dibuka.
Urang mancarii sumbar marga mutur itu baguyang saurang. Pansaran warga manutup
lawang mutur. Lalu buhannya bajauhan.
Mutur itu baguyang saurang. Kada lawas
hujan ari. Warga sapalih bulikan ka rumah, sapalih ada haja nang masih
baganaan. Tamasuk jua Dugal.
Inya umpat panasaran, kanapa sampai
mutur baguyang di parak gadung ulahraga. Padahal urangnya kadada di dalam mutur
itu. Kira-kira napa yu marganya mutur nintu baguyang saurangan. (ahu)
Tidak ada komentar:
Posting Komentar