Di mutur waktu bulik matan di Banjar
imbah umpat palatihan, Dugal takumpul lawan Amang Ihar nang jadi supir, di higanya
ada Amang Arul, lalu di tangah ada Acil Iwi wan Acil Inur. Sementara pambalakangan
Dugal wan Amang Udin.
Banyak kisah salama parjalanan bulik ampah
ka Kandangan. Dimulai kisah Amang Ihar. Lalu Amang Arul. Imbahitu ditarusakan
ulih Amang Udin. Dugal, Acil Iwi wan Acil Inur jadi pandangar satia haja.
Kabanyakan kisah lucu nang diungkai sual
laki bini. Amang Udin paling banyak maungkai kisah. Karna sidin bagawi di
Kantur KUA jadi sasuai haja banyak pangalaman wan harat pandir. Dugal nang baada
di higa Amang Udin rancak lihum mandangar kisah nang diungkai sidin.
Amang Udin ada bakisah tantang sapasang
laki bini. Malam itu malam Jumahat. Tangah malam ada tamu mangatuk lawang.
Padahal saat itu pasangan laki bini sadang anu-anu.
Karna ada bunyi lawang dikatuk tapaksaai
nang laki kaluar kamar. Tapi waktu didatangi urangnya kadada. Lalu nang laki
tadi babulik pulang ka kamar.
Di tangah ruang tamu inya tarabah marga
manjajak tikar palastik nang ada ciciran banyu anu anu. “ Balum jadi anak sudah kaya ini, apalagi kaina sudah
ganal bisa manyakiti kuitan,” ujar nang laki. (ahu)
Tidak ada komentar:
Posting Komentar