Ada gawian rutin Dugal saban baisukan.
Baik itu hari bagawi atawa wayah parai. Yakni mamanasi masin sapida mutur.
Biasanya imbah bulik basubuh di Langgar Al Kautsar, manggawi amalan lain.
Hanyar sapida mutur dipanasi masinnya.
Ada saku lima manit labih. Hanyar
dimati’i. Tujuan Dugal supaya mamastiakan sapida mutur tatap baik dipakai,
karna sudah tuha bahanu muguk. Bila masih dipanasi, suaranya tadangar dimana-mana.
Karna di dalam rumah. Imbah dimati’i hanyar ranai pulang.
Hari libur tatap haja Dugal mamanasi masin
sapida mutur. Sapida mutur Dugal sudah lawas ditukar. Manukar nang bakas haja. Rancak
muguk, biasanya marga busi. Karna sudah tuha, sapida mutur sudah jua dibubut ka
bingkil. (ahu)
Tidak ada komentar:
Posting Komentar