Tuntung Do’a sambahiyang Jumahat di
Masigit Al Aman Hangkinang, sabalum bulik ka rumah Dugal basalaman lawan jamaah
nang lain. Dua urang diantaranya camat nang ada di Banua, yakni Camat Hangkinang
Lothvie Rahmanie wan Camat Daha Barat H Syamsuri.
Camat Hangkinang rumah dinasnya bajarak
sakitar 100 mitir pada masigit. Samantara Camat Daha Barat rumahnya sakitar 200
mitir pada masigit. Camat Daha Barat itu asli Talaga Langsat, samantara nang
bini asli urang Hangkinang. Camat Daha Barat wan bininya adalah alumni madrasah
wadah Dugal bagawi wayahini.
Samantara Camat Hangkinang wayahini
lalakian, nang masi bibinian haja. Jadi jarang batamu wan basalaman, waktu
sambahiyang Jumahat di Masigit Al Aman Hangkinang. Sudah babarapa kali Dugal basalaman
lawan camat nang anum pada inya itu. Walaupun Dugal tahu, nintu adalah Camat
Hangkinang, tapi balum tantu sidin tahu lawan Dugal. (ahu)
Tidak ada komentar:
Posting Komentar