Dugal nintu urangnya katuju
manyaurangan. Bisa jua disambat urang kada kamanusiaan. Maksutnya bila batamu
urang banyak inya labih mamilih ka tampat lain. Mancari wadah nang ranai, jauh
pada urang banyak.
Jarang Dugal bagaul atawa bahuhurun
urang banyak, jarang talihat di kampung. Akibatnya bila dipaksa bakumpulan
urang banyak, Dugal talihat canggung dalam tingkah laku.
Dugal marasa nyaman saurangan. Kada
kamanusiaan itu bukan baarti katuju mamakan manusia. Jangan salah kira, kaina
banyak urang bukahan mandangar Dugal kada kamanusiaan.
Malah sakalinya kalakuan Dugal jauh pada
urang. Bila malihat urang Dugal bukah masuk ka dalam rumah, ka kamar bahinip di
karabahan, piragah guring. (ahu)
Tidak ada komentar:
Posting Komentar