Rami banar di kampung Dugal diadaakan
lumba Agustusan. Ada lumba banyanyi lagu dangdut, lumba bajugit, lumba makan
karupuk, lumba maisi banyu dalam butul, wan lain-lain. Kabanyakan diumpati
buhan kakanakan kampung.
Dugal cuma malihat haja. Lumba diadaakan
imbah urang tuntungan upacara di halaman kantur kacamatan. Liwar raminya tupang
kakanakan balumba. Dalam rangka maramiakan wan mamariahakan HUT Kamardikaan RI.
Diadaakan rutin saban tahun ulih bubuhan kampung.
Tahun ini bapantul atawa naik pinang
kada diadaakan kaya masi. Alasannya rapun pinang ngalih dicari. Padahal saban
tahun diadaakan tarus. Walaupun hadiahnya kada sabarapa tapi kakanakan tatap samangat
umpat lumba. Ada saikung kakanakan kada sing rantian minum, karna uyuh bukah
umpat lumba. (ahu)
Tidak ada komentar:
Posting Komentar