(RENCANA) PANTUN-PANTUN UNTUK REUNI
AKBAR MAN 2 KANDANGAN / MAN 2 HSS. SABTU, 10 FEBRUARI 2018, DI PENDOPO KABUPATEN HULU SUNGAI SELATAN.
Tulak ka pasar menukar tikar
Jangan kada ingat mamakai baju tilasan
Hari ini kita batamuan di riuni akbar
malapas rindu dandam nang sing lawasan
Ambil hintalu gasan diharamakan
Kataraan hanyar diulah kaina
Ribuan alumni sudah dihasilakan
Banyak nang suksis tasabar dimana-mana
Awak gatal bawa bagaru
hanyar marasa bila maalami
Tarima kasih gasan guru-guru
Nang sudah bahasil mandidik kami
Batamu kula lalu disalami
Lawas kada tatamu padahal bajuriat
Riuni akbar wadah basilaturrahmi
Mudahan ikatan kakaluargaan sasain kuat
Duit binggul duit bahari
Dapat di pahumaan parak galangan
Tarima kasih gasan Bapak Bupati Achmad Fikry
Nang umpat hadir batamuan alumni MAN 2 Kandangan
Tidak ada komentar:
Posting Komentar